![]() |
يا بعد فرق النـاس رجلـي وخيـال
والطيـب بيـن مثـل حيـدٍ مشفـي رائع جدا رحمة الله عليك |
الله من هم بروحي سهجها = بخافي ضميري في كنين الحشا لاج أحر من نار توقد وهجها = منها خطر روحي على سلك ديباج وعين عسى المولى يعجل فرجها = يفوح ناظرها كما عين هداج استرسلت للدمع مما رهجها = غيظ يكظ عبارها مثل الأمواج كم واحد له غاية ما هرجها = يكنها لو هو للأدنين محتاج يخاف من عوجا طوال عوجها = هرجة قفا يركض بها كل هراج يقضب عليك المخطية من حججها = حلو نباه وقلبه أسود من الصاج الله خلق دنيا وساع فججها = وعن مايريب القلب لك كم منهاج والرجل وان شطت لياليك سجها = عسى تواليها تبشر بالإفراج رحمه الله .. صانع مدرسة الشعر النبطي .. بلا منافس .. |
المستريح اللي من العقل خالي .. ماهو بلجات الهواجيس غطاس ~ ..
|
حتى المخادع لبس ثوب النصوحي
_______________________ هو داري فيهم وهم ما دروبه |
كل ما نطق به الامير الله يسكنه فسيح جناته أعشقه وياليته موجود للان عشان يكتم كل قصيده مالها معنى ولا وزن
احب له : حلون نباه وقلبه أسود من الصاج |
لاخاب ظنك بالرفيق الموالي =مالك مشاريهٍ على نايد الناس
|
ان كان بي عذروب حبي لها نجـد احبهـا واحـب شـمـة هـواهـا احبهـا يومنهـا ديــرة المـجـد دارٍ تمكـن بالضمـايـر غـلاهـا دارٍ غلاهـا باجـدٍ مهجتـي بجـد دارٍ لنـا دارٍ ضـلالـي سمـاهـا ان غبت عنها الحقت وجدٍ على وجد متذكـرٍ عقـب البطـا بـرد ماهـا ياماغدا فيهـا مهـارٍ لهـن رجـد من فوقهـا صيـدٍ تـروى قناهـا اللي نـود القـاه ياعلـي ماوجـد الله يلحـق كـل نـفـسٍ هـواهـا رحمه الله واسكنه فسيح جناته وموتنا وموتى المسلمين |
الله من هم بالاعماق مخفيه
خيم على مكنون قلبي وكادي لو هو بحيد ذاب حر صاليه وخلا جلاميده هشيم رمادي |
إن صار زود المال بيديـن الأنـذال =حنّـا مـن المعـروف تنـدا يدينـا وإن كانهم شرهوا على طيب الأفعال=حنّـا وردنـا جمامهـا وارتويـنـا وإن فكّروا للجـود يمشـون رحّـال=حنّـا قبـل يمشـون يّمـه خطيـنـا يا ما لبسنـا للشـرف كـل سربـال=وعلـى البسيطـة للفضيلـة مشينـا في دوحة العربا لنـا مجـد وظـلال=وحنّـا علـى در المكـارم غذيـنـا لو نجمع اللي فات منـا مـن المـال=إن كـان شيدنـا القصـور وبنيـنـا نعطـي ولا نتبـع عطانـا بالأقـوال=ونبـذل ونسكـت كننـا مـا عطينـا وإن باعوا الشيمـة بدينـار وريـال=حنـا دخلنـا سوقـهـا واشتريـنـا نطلع لها لو هي على روس الأقـذال=لو هو عسيـر ٍ دربهـا مـا انثنينـا بأفعالنـا نرسـم دروب ٍ للأجـيـال=الـي نساهـا غيرنـا مـا نسيـنـا أسـود سـادات ٍ تسجـل للأشبـال=فضايـل ٍ شمنـا لـهـا واهتديـنـا بيض ٍ نسجلهـن جديـدات وسمـال=حفـايـظ ٍ لاحفـادنـا اللاحقيـنـا نصبر على الشّدات لو شيلنـا مـال=لـو سـال دم دفوفنـا مـا شكيـنـا نخـاف يلقـى سدنـا كـل خـتّـال=ويبنـي هزيـلات المعانـي عليـنـا الليل يا خالـد علـى والـدك طـال=وهنّيـت نـاس ٍ بالـكـرا نايميـنـا يا عز راسي شفت ما خبـث البـال=شـي ٍ يهـوّل شـيّـب الجاهليـنـا شي ٍ من أسبابـه يشيـب بالأطفـال=فطّـر خشـوم مهجرعـات الحنينـا أدير قـالات ٍ عريضـات وطـوال=قـالات خـلـنّ المخـفـىّ يبيـنـا منهن رزين العقـل بالوقـت يهتـال=بوقـت ٍ عبـوس ٍ فطّـن الغافليـنـا وقت ٍ من أسبابه شكى كـل ريبـال=نصبـر ونسكـت كنـنـا غايبيـنـا النـاس بالأيـام راحــل ونّــزال=وتفجعهـم الدنيـا وهــم دالهيـنـا وحيات رب ٍ نـزل آيـات الانفـال=عالـم خفـايـا نـيـة الحاقديـنـا ما أترك طريق العدل في كل الأحوال=لـو يرحـل المـريـخ للفرقديـنـا للأمير محمد بن أحمد السديري رحمه الله |
لاخاب ظنك بالرفيق الموالي =مالك مشاريه ٍ على نايد الناس
|
الساعة الآن 05:59PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية